السلام عليكم ورحمة الله وبركاتة

اليوم هنتكلم عن:

أسطورة الفايكنج تقرير عن أنمي Vinland Saga تاريخ النرويج وأسطورة المحاربين الشجعان.

مقدمة: 

-الفايكنج شعب همجي جدا بيحبوا القتالات بطريقة دموية حياتهم كلها حروب  في حروب وفغزو وسيطره

من غرب أوروبا لأسيا الوسطي.

الأنجليز قرروا التخلص منهم

وحاربوهم أكثر من مره.

والملك هارلد المستبد الي وحد النرويج لأول.

 وطرد جزء كبير شعب الفايكنج لأيسلندا المتجمده

أسئله ممكن تكون خطرت علي بالك؟!

1-مين بدأ الأول الأنجليز ولا الفايكنج؟

2-هوا الفايكنج قابلوا المسلمين وأمتي بالضبط؟

3-الفايكنج شعب همجي بجد ولا في سبب لكل الي عملوه؟

4-أي علاقة كل ده بالأنمي من الأساس؟

معلومات عن الأنمي:

أسم الأنمي:

هو vinland saga
هتقولى لي مش فايكنج ساغا
او المحاربين ساغا
أو أي اسم كدا يكون في أكشن
هقولك تعالا أحكيلك شويه
عن vinland أو وينلاند حسب أساطير الفايكنج
الي اكتشفوها وهما في رحلاتهم التجاريه.
بلد مفيهاش تجاره عبيد ولا حروب
هادية ومسالمه وتعتبر جنه
بالنسبه لأي محارب عاوز يرتاح.
ومن هنا جه الأسم وركز ملهاش علاقه خالص بfinlanda دي حاجه ودي حاجه
وsaga معناها ملحمه تاريخيه.
ومع بعض بيكونوا ملحمة فينلندا.

التصنيف:

أكشن - مغامرة - دراما  - تاريخي - سينين بمعني انو مناسب للمراهقين من 17 سنه فيما فوق.

عدد الحلقات: 24 حلقه.

مدة كل حلقة: 24 دقيقة.

أستوديو الأنتاج:

هو wit studio

والي أنتج لينا هجوم العمالقه بكل أجزاءه وأفلامه.

انمي السحر والرومانسيه

Mahou tsukai no yumi

وأنمي مصاصي الدماء المشهور.

Owari no seraph

وكثير من الأنميات الحلوه.

الترتيب والتقييم:

ترتيب الأنمي: المركز 41 عالميا.

بتقييم عالي ويستاهل صراحه 8.7/10.

قصة الأنمي:

قبل منقول أي كلمة شايفك وانت بترفع أيدك وبتقول
خالد هو كل ده حقيقي وجزء من تاريخ فعلا
فالأجابه هي ايوه أمال كنت مفكر أي؟
.................................. 
وقصة الأنمي بتحكي عن الحروب بين الأنجليز والفايكنج
طيب يخالد مين الصح ومين الغلط
بص في الحرب مفيش صح ومفيش غلط
"لأن حينما تبدأ الحرب كلا الطرفان يكونان على خطأ"
ايوا  اي الي حصل.
.............................
قبل الحرب وقبل اي حاجه:
الفايجنج كان كل طمحواتهم  أنهم يسكنوا أنجلترا وفعلا راحوا هناك وعاشوا بسلام مع السكان الأصليين.
الي هما الساكسونيين وكان الفايجنج بيلقبوا بالنورمانيين في الوقت ده.
.....................
بمعني أن الفايكنج يعتبروا جزء من السكان الأصليين.
ولكن الأنجليز بتقول أن الفايكنج شعب عدائي وبيعبدوا ثور اله الرعد والاله الرومانية القديمة وكفره يجدععع.
وغزو ونهب وقتل وكل حاجه وحشه وكفره برضوووو.
.............
وفي ناس تانيه شايفين ان الفايكنج شعب عادي
بيحب الزراعه والتجاره والمغامره وعندهم شرف.
والدليل أنهم سكنوا أنجلترا من زمان.
.......
لكنهم شايفين سببين يخلوا من الفايكنج يعملوا كل ده.
السبب الأول:
الأنجليز أستغلوا يوم السبت الي هو يوم الأستحمام والراحه للفايكنج وهجموا عليهم ويقتلوهم وأسروا الأطفال والنساء.
السبب الثاني:
الملك هارالد وحد النرويج لأول مره في أواخر القرن ال9
وطلب منهم لأما يخضعوا له او يخرجوا
في منهم فضل وعاش بالنرويج.
ومنهم راح أيسلندا وعاش حياة قاسية في بروده الجو.
.....
والكاتب بيحكيلك كل ده عن طريق
تورز المحارب الشجاع الي هرب لأيسلندا عشان يبعد عن القتل والعنف الي بدون فايده
وأبنه ثورفيين...

حابب افهمك حاجه وهي 

الأنجليز الي في القصه هما الصلبيين

والي عملوا حملات الصليبيه علي المسلمين أو ذي ما بنسميهم الفرنج.

لكن الفايكنج هما المجوس  الي هجموا على الأندلس في العصر الأموي في موقعه أشبيليه ودمروا مساجد وخربوا البيوت وقتلوا المسلمين في المنطقة.

ولكن كان رد المسلمين عليهم سريع جدا 

بقيادة عبد الرحمن الأوسط

وفي الوقت ده الفايكنج او المجوس فهموا قوة الجيش الأسلامي وأستسلموا وعقدوا معاهدة صلح وعدم أعتداء للأبد ومظهروش تاني...

ويلا نتعرف أكثر عن الأنمي في فقره معلومات سريعة

رائي الشخصي:

صراحه مكنتش أعرف كل ده عن الفايكنج وأنهم هما المجوس كنت ديما بظنهم البرابره.

وتاريخ أنجلترا الي كله ملاحم وحروب ومعارك

صراحه استمتعت جدا جدا بالأنمي.

وبكل لحظاته  سواء الحزينه - القتاليه - والأستراتيجية

وفجاه وانا بتفرج على اخر حلقتين من يومين الاقي الخبر ده في أشعاراتي

أنمي vinland saga يحصل علي موسم ثاني

مش قادر أقولك قد اي انا مبسوط

فأنصحك تشوفوا.

خاتمة:

وبس يجماعة ده كان كل شئ.

روحوا وأستمتعوا بالأنمي وقولوا ليا أراكم بالتعليقات 

ولا تنسوا الصلاة والسلام علي حبيبكم ونبيكم الهم صلى وسلم وبارك على سيدنا محمد.

ماتاني أو مع السلامة