السلام عليكم ورحمة الله وبركاتة
خطة لتصميم الجرافيك مع ذكر المجالات.
مقدمة:
خريطة العمل:
حاجات محتاجها عشان تكون مصمم جرافيك محترف:
1-لازم تكون مبدع
ممكن تكون بتستخدم الفوتوشوب لكن نتيجتك اقل بكثير من شخص بيصمم بالموبايل المحمول بتطبيق ذي بكس أرت مثلا وده منطقي جدا ممكن البرنامج يوفر لك أدوات أفضل أو ممكن يوفرلك معالجة للصور أفضل لكن عمره ما هيوفر ليك الأفكار والأبداع ده بيعتمد عليك.
2-لازم يكون عندك معرفة بالشئ الي هتصمم عنه:
مثلا لو هتصمم موقع فأنت بتصمم ال UX تجربة المستخدم بمعني أنك بتشوف الموقع بيتكلم عن أي وأزاي يقدر يوصل محتواه للمستفيد بأفضل شكل وكمان أي أحسن شكل ممكن يستفيد ويحب المستفيد الموقع منه وعلى أساسة بتصمم صفحه الموقع.
كمان مثلا لو بتصمم صورة لتسويق ألكتروني لدكتور لازم تفهم مهنته وتخصصة كويس لو بتصمم صورة لقناة ألعاب لازم تفهم محتوي اللعبة
حتي المميز لازم ديما يكون عندك معرفة بالشئ الي هتصمم له.
3-لازم تخلي الشئ ده مفهوم لأي حد.
خصوصا الشخص الي هتقدم له الشئ ده لكن بمنحني تاني لازم يكون بسيط ومفهوم للكل كتصميم.
4-لازم تتقن البرنامج/التطبيق الي بتستعمله في التصميم.
من أمثلة البرامج الي تفيدك في تصميم بشكل كبير:
Adobe Illustrator, Adobe Photoshop, Adobe InDesign, After Effects, Corel Draw.
5-لازم يكون عندك خلفية عن البرمجة.
ذي ما قلت ليك كذا مره في تطوير الويب مثلا في مجالين واحد لتصميم شكل الموقع وده هتحتاج تتعلم فيه الأكواد الأساسية عشان تعرف تحط تصميمك ونفس الشئ لبرمدة التطبيقات وهكذا حسب المجال الي هتصمم فيه لازم يكون عندك معرفة.
6-لازم تتعلم ال UI-UX.
شئ طبيعي أن يطلب منك في الشغل أنك تصمم شكل لصفحة الويب أو شكل تطبيق أو برنامج فلازم تتعود وتتعلمهم كويس.
7-لازم ترضي العميل.
لازم تحاول ديما تفكر برا الصندوق وتلاقي أفكار كثير جدية عشان تحاول ترضي العميل وتبهره بتصميمك لأنه أكيد شاف تصاميم كثير وهو عاوز أفضلهم بس وحتي لو أختار تصميمك ممكن يغيره بكرا فحاول تخليه أفضل شئ قدر الأمكان.
8-لازم يكون عندك خبرة بكل أنواع مواد الجرافيك.
أمثلة علي كدا:
illustrations, Motion graphics, Animations, text
فلازم يكون عندك خبرة في الرسوم التوضيحية - المنتاج - التحريك - صنع الجرافيك - والأنيميشن - وتصميم النصوص.
9-لازم تتعلم تناسق الألوان.
وتفهم عجلة الألوان وكل النظريات والأشكال الي بتشرحها عشان تبقا ضابط ديما ألوانك متناسقه بكل درجاتها.
أمثلة على أحسن برامج هتحتاجها في شغلك للكمبيوتر/لاب توب:
- Adobe Photoshop
- Adobe Illustrator
- Adobe InDesign
- Corel Draw
- Inkscape
- Adobe After Effects
- Gravit Designer
أمثلة على تطبيقات للهاتف المحمول تساعدك في التصميم:
- Pics Art
- Pixel lab
- Snap Speed
- PS CS2019
- Kinemaster
تعليقات
إرسال تعليق